英足盃4強賽事，季尾全面撻着嘅曼城，將會面對英冠球隊修咸頓，向住本土「3冠王」目標進發。「藍月亮」依家狀態大勇，不過領隊哥迪奧拿深明留放之道，對住硬淨兼當弗嘅修咸頓唔會硬碰，尤其呢種1場過淘汰賽，更加會恃高質素睇定嚟食，上半場隨時歎慢板，一於博1.5球嘅半場細。（Now 651周日凌晨零時15分直播）文:工廠仔

曼城已經拎到英聯盃冠軍，日前亦喺英超登上榜首，英足盃抽中對英冠球隊，當然被一致睇好。不過，「藍月亮」最大目標始終係重奪英超冠軍，盃賽反而會畀占士查科特等副選上陣，而且佢哋周中快車1比0贏般尼後，休息時間唔夠3日，今場未必可以全場保持壓逼性踢法，盃賽場合更適合留前鬥後。

事實上，曼城踢盃賽極有心得，今屆係佢哋連續第8年殺入英足盃4強，睇番佢哋過去7屆準決賽，無論狀態幾好都會採取穩陣為先踢法，當中有6場半場總入球開1球或以下，呢個指標值得參考。

修咸頓態勇頂得住
修咸頓雖然只係英冠球隊，但近況極勇，上一圈就曾經淘汰阿仙奴，佢哋目前踢出8勝1和強勁走勢，今場喺溫布萊球場出戰，相信會先鞏固防線，抵抗曼城鋒線進襲，博1.5球半場細非常好路。